Cyber Awareness – takim i hapur me studentët e Universitetit të Tiranës

“Cyber security and data protection awareness in Albania” (Rritja e Ndërgjegjësimit për Sigurinë Kibernetike dhe Mbrojtjen e të Dhënave Personale) është projekti i cili po zbatohet nga Qendra Shqiptare për një Zhvillim të Qëndrueshëm (ASDO) në partneritet me Autoritetin Kombëtar të Certifikimit Elektronik dhe Sigurisë Kibernetike, me mbështetjen financiare të Ambasadës Zvicerane në Shqipëri.

Në kuadër të zbatimit të këtij projekti ASDO në bashkëpunim me Universitetin e Tiranës ditën e hënë, datë 31 tetor, në orën 12:00 në sallën “Aula Magna” në godinën “Liria” organizojnë një leksion i hapur me ekspertët Dr. Eyal Pinko, Znj. Blerta Xhako dhe Z. Saimir Kapllani, të cilët do të trajtojnë gjerësisht tema të sigurisë kibernetike dhe mbrojtjen e të dhënave personale.

Studentët e interesuar për të ndjekur leksionin e hapur janë të ftuar të marrin pjesë duke u regjistruar në linkun: https://unitir.edu.al/.

***

Studentët lundrojnë në internet çdo ditë për punë dhe kënaqësi – për të kërkuar informacion për detyrat e tyre të kursit, esetë dhe temën e diplomës por edhe, për të qenë në kontakt përmes mediave sociale me studentë të tjerë apo punëdhënës, për të bërë blerje në internet apo dhe argëtuar.

Sasia e madhe e informacionit dhe e të dhënave që ndajmë në internet na përball të gjithëve me kërcënimet e sigurisë kibernetike. Rreziku është më i theksuar për të rinjtë, të cilët statistikisht kanë më shumë gjasa të bien pre e mashtrimeve sesa të tjerët pasi i përdorin mediat sociale më shpesh se grup moshat e tjera.

Pavarësisht nëse jeni në vitin e parë bachelor apo të fundit të studimeve master, nuk është kurrë vonë për të marrë disa këshilla dhe informacion për sigurinë në internet, për ruajtjen e të dhënave personale dhe për të rritur ndërgjegjësimin tuaj për sigurinë kibernetike. Mënyra më e mirë për të mbrojtura nga sulmet kibernetike dhe shkelja e të dhënave personale është përmes parandalimit dhe informimit.

Njihuni me lektorët:

Dr. Eyal Pinko ka një diplomë në Bachelor me standard të lartë në Inxhinieri Elektronike dhe tre Diploma Master me standarde të larta në Shkenca Politike, Menaxhim Publik dhe Zhvillim Organizativ. Ai është i diplomuar në Kursin Kombëtar të Inteligjencës së Lartë dhe kurse të tjera të specializuara të trajnimit të inteligjencës. Në vitin 2019 ai mbrojti me sukses doktoraturën e tij, në fushën e Studimeve të Mbrojtjes dhe Sigurisë në Universitetin Bar-Ilan, Izrael. Dr. Pinko është drejtuese i programit Master në “Strategji, Inteligjencë dhe Siguri Kibernetike” në të njëjtin universitet. Për më shumë se dy vjet ai ka qenë një konsulent i lartë në Drejtorinë Kombëtare Kibernetike të Izraelit. Aktualisht ai është edhe Drejtor Ekzekutiv në “Terra Strategic Solutions” dhe President në “Institutin Ndërkombëtar për Kërkimin e Migracionit dhe Sigurisë”. Dr. Pinko ka qenë folës kryesor në shumë konferenca kibernetike në mbarë botën. Ai është gjithashtu një studiues i vjetër në disa “think-tank” ndërkombëtare, duke qenë autor i më shumë se 200 artikujve të botuar në anglisht dhe hebraisht.

Blerta Xhako mban pozicion e Drejtorit të Drejtorisë së Çështjeve Juridike dhe Integrimit pranë Zyrës së Komisionerit për të Drejtën e Informimit dhe Mbrojtjen e të Dhënave Personale, prej shkurtit 2018. Është diplomuar në Fakultetin e Drejtësisë të Universitetit të Tiranës në vitin 2011. Znj. Xhako është licencuar në profesionin e avokatit prej vitit 2013 pranë Dhomës Kombëtare të Avokatisë. Në karrierën e saj ka ushtruar profesionin e avokatit, koordinatorit në Kryeministri si dhe ka mbajtur postin e Drejtorit të Grupit të Menaxhimit të Integruar të Politikave për Mirëqeverisjen dhe Administratën Publike pranë Ministrit të Shtetit për Inovacionin dhe Administratën Publike. Znj. Xhako ka kryer disa trajnime brenda dhe jashtë vendit në fushën e jurisprudencës, si dhe të menaxhimit në administratën publike, certifikuar dhe nga shkolla e administratës publike franceze “Ecole Nationale D’Administration”.

Saimir Kapllani është ekspert ligjor me një eksperiencë më shumë se 13 vjeçare në administratën publike. Ekspertiza e tij gjatë këtyre viteve është fokusuar në hartimin dhe mbikëqyrjen e zbatueshmërisë së kuadrit ligjor në fushën e Certifikimit Elektronik dhe Sigurisë Kibernetike. Prej 4 vitesh ai mban pozicionin e Përgjegjësit te Sektorit te Kontrollit pranë Autoritetit Kombëtar per Certifikimin Elektronik dhe Sigurinë Kibernetike, ku është përgjegjës për kontrollin e implementimit të masave të sigurisë kibernetike nga Infrastrukturat Kritike të Informacionit dhe gjithashtu mbikëqyrjen e veprimtarisë së Ofruesve të Kualifikuar të Shërbimeve të Besuara që operojnë në Republikën e Shqipërisë. Saimiri ka përfunduar studimet e larta në fushën e Drejtësisë, ku është diplomuar në Master Shkencor dhe gjithashtu ka përfunduar Master Profesional në “EU Business Law”. Gjate karrierës së tij është certifikuar dhe kualifikuar me trajnime te ndryshme profesionale, si : Certified Lead Auditor per standartin ISO 27001 (Menaxhim i sigurisë së informacionit) Cyber Security Studies prane George C. Marshall (Qendra Evropiane për studimet e Sigurisë) , etj.

Programi i plotë i takimit: