Përdorimi i Plugins të WordPress domosdoshmëri, siguri apo kërcënim
April 8, 2022
The City of Shkodra Opens Its Doors to the BiblioTech Model
May 4, 2022
Një nga pyetjet më të shpeshta që na bëhen gjatë trajnimeve të zhvilluara është “A duhet të paguaj për të përdorur WordPress?”
Përgjigjja që ne u japim është se WordPress është një mjet falas që na ndihmon të krijojmë faqe interneti dhe blogje dhe ka një përdorueshmëri prej mbi 45%.
Duke u futur në një nivel pak më shumë teknik, WordPress është një sistem i menaxhimit të përmbajtjes me një kod burim të hapur dhe i licencuar. Në thelb është një mjet që bën të lehte menaxhimin e funksioneve të faqes tuaj të internetit pa pasur nevojë të dini programim.
WordPress është falas!
WordPress është një softuerë me kod burimi të hapur pa pagesë, të cilin ne mund ta përdorim, modifikojmë, ta përshtatim me funksionalitete të tjera, në çdo formë që ne duam por pa paguar asnjë tarife ekstra.
Megjithatë WordPress mund të këtë dhe tarifa në fusha të tjera.
Kostot e fshehura të WordPress!
Me fillimin e përdorimit të WordPress ju do të shikoni në fillim se gjithçka do të jetë shumë mirë dhe e thjeshtë. Por ndërsa ju do filloni të bëheni ekspert në ndërtimin e faqeve në WordPress do të shikoni dhe anën tjetër të medaljes.
Si ta kuptojmë këtë gjë? Duke qenë së puna juaj do të rritet dhe ju do hasni problematika të ndryshme. Të cilat ju kërkojnë të keni më shumë mjete në dorën tuaj, do ju lindi nevoja për të paguar. Në këtë moment do të keni kosto në platformën WordPress.
Megjithatë, kur ju të arrini të përfundoni ndërtimin e faqes tuaj, me shumë funksionalitete dhe në një kohë shumë të shkurtër, nuk do keni asnjë pikë dyshimi që zgjedhja e platformës WordPress ishte zgjedhja me kostot me të ulët se çdo platformë tjetër dhe keni ndërtuar një platforme pa pasur njohuri në programim.
Sidoqoftë, ideja që WordPress të jetë falas në të vërtetë do të thotë shumë se çdokush mund ta përdore atë.
MSc. Enxhi Mete
Pedagog, Ekspert ICT
